SUFI EKSENTRIK #6: SELALU MENELADANI SANG GURU

*FOTO: Romo Kyai Sholeh Bahruddin bersama Almaghfurllah Mbah Kyai Munawwir Kertosono

Aku ngaji Tafsir Jalalain lek wes khatam, sak marine khatam yho dibukak (dingaji) maneh, ngantek khatam maneh. Lek wes khatam maneh dibukak maneh, terus digawe wiridan ila yaumil qiyamah. Ngene iki aku niru guruku kyai Bakhri Sawahan Mojokerto.

Lha lek aku naboh kentongan/pentongan saben waktu (manjing sholat) teko mbaleh (ruang tamu) iku aku niru Kyai Bahruddin bapakku dewe. Kyai Bahruddin iku yho wong tuwoku yho guruku pisan, dadine ngrangkep (wong tuwo, yo guru).

Lek metu-metu, lungo aku celonoan aku niru mbah Munawir Kertosono. Lah, aku biasahe jagongan ambek santri iku niru Mbah Kyai Iskandar Jombang.

Lek sholat teraweh aku gak ngimami, iku aku niru Mbah Kyai Jamal Bato’an Kediri. Lah, lek aku waktu munggah nang masjid kok di thotok (ditabuh) kentongane iku niru guruku Mbah Kyai Muslih Mranggen Demak, Jateng.

Kabeh opo wae sing tak lakoni iku aku niru guru-guruku, gak sak karepku dewe. Lah, awakmu yhoo... kudu niru aku (Romo Kyai Sholeh). Kate niru sopo lek gak niru aku!, kate niru sopo? Dadi gak usah neko-neko...

++(Dawuh Romo Kyai Sholeh Bahruddin saat Pengajian Tafsir Jalalain, Februari 2007 silam)++